मन्दिरबाट मिश्र हटाइए

लखनपुर/औँशीमा गोरु जोतेर धार्मिक अवहेलना गरेको भन्दै लखनपुर–१ सितापुरीस्थित लक्ष्मीनारायण मन्दिरमा पीडित राघविन्द्र मिश्र निकालिएका छन् । करिब ४ वर्षदेखि मन्दिरको दैनिक पुजापाठ गरिआएका पण्डित मिश्रले बिहीबार आफ्नो खेतमा गोरु जोतेको आरोप लगाउँदै उनलाई मन्दिरका पुजापाठबाट हटाइएको मन्दिरका अध्यक्ष लेखनाथ गौतमले जानकारी दिए । मन्दिरका दाता, गाउँलेहरूको शुक्रबार बसेको भेलाले पण्डित मिश्रले धार्मिक अवहेलना गरेकाले नियमानुसार हटाइएको गौतमको भनाई छ । ४÷५ वर्षदेखि स्थानीयस्तरमा सञ्चालनमा आएको सो मन्दिर स्थापना गर्न दाता जानुकादेवी निरौलाले १२ कठ्ठा जग्गा दान गरेका थिए ।