माओवादी बैठकमा प्रचण्ड र बाबुराममाथि नै आक्रमण – मुख्य समाचार

प्रहरी र पूर्व जनसेनाद्वारा उद्दार

काठमाडौं, ६ साउन/एकीकृत नेकपा माओवादीको राजधानीमा जारी विस्तारित बैठकमा पार्टी अध्यक्ष पुष्पकमल दाहाल प्रचण्ड र प्रधानमन्त्री समेत रहेका उपाध्यक्ष डा. बाबुराम भट्टराईमाथि नै आक्रमण भएको छ ।

प्रचण्डको राजनीतिक प्रतिवेदनमाथि भएको समूहगत छलफलको रिपोर्टिङ गर्ने क्रममा भोजपुरा राज्य समितिको तर्फबाट को बोल्ने भन्न ’bout सुरु भएको विवादले उग्ररुप लिएपछि प्रचण्ड र बाबुराम पक्ष एक–अर्का पक्षका शीर्ष नेताहरूमाथि नै जाइलागेका हुन् ।
विवाद बढ्दै गएपछि प्रचण्डका विश्वासपात्र पोलिटव्यूरो सदस्य प्रभाकर बैठक स्थलबाट बाहिरिन खोजेका उपाध्यक्ष भट्टराईमाथि जाइलागेका हुन् । उनले भट्टराईलाई कठालो समाउने प्रयास गरेका थिए ।
आफ्ना नेतामाथि आक्रमण भएपछि आक्रोसित भट्टराई पक्षीय एक कार्यकर्ताले पार्टी अध्यक्षमाथि नै कुर्सी प्रहार गरे । बैठकमा सहभागी एक नेताका अनुसार कार्यकर्ताले हानेको कुर्सी प्रचण्डको ढाडमा लागेको थियो । प्रचार–प्रसार उपसमिति संयोजक विश्वभक्त दुलालले भने –‘सामान्य विषयमा सुरु भएको विवाद, तानातान र हानाहानको स्थितिमा पुगेको हो । ’
कसरी बढ्यो तनाव ?
शुक्रबार ११ बजे बस्ने भनिएको बन्दसत्र एकघण्टा ढिलो गरी शुरु भयो । बैठक सुरु भए लगत्तै नामावली सूची अनुसार भोजपुराका बलिदान साहलाई अध्यक्षको प्रतिवेदनमाथि भएको समूहगत छलफलको निष्कर्ष प्रस्तुत गर्न मञ्चमा बोलाइयो । भट्टराई पक्षका साहले बोल्न थाल्ने बित्तिकै मञ्च र तल रहेका प्रचण्ड पक्षका नेता तथा प्रतिनिधिले आफ्ना पक्षका अशोक जैसवालले बोल्नुपर्ने भन्दै हुटिङ गरे ।
भट्टराई पक्षकाले भने साहले बोल्न थालिसकेकोले उनले बोलेपछि अशोकलाई बोल्न दिनुपर्ने बताए । तर, प्रचण्ड पक्षधरले एकोहोरो हुटिङ र होहल्ला गर्न छाडेनन् । यसको नेतृत्व नेतृ अञ्जना विशंखेले गरेकी थिइन् ।
बोल्न थालेका आफ्ना पक्षका नेतालाई अवरोध गरेको भन्दै मञ्चमा रहेका भट्टराई, देवेन्द्र पौडेल लगायतले विरोध जनाए । बोल्नै नपाउने प्रवृत्तिको अन्त्य हुनुपर्छ भनेर भट्टराई र पौडेलले प्रतिवाद गरे लगत्तै त्यहीं रहेका प्रचण्ड पक्षधर नेता जनार्दन शर्मा प्रभाकरको पारो तात्यो । ‘गुटबन्दी गर्ने तिमी नै हौ’ भन्दै उनले भट्टराईमाथि हात हाल्न खोजे । सँगै रहेका पौडेल, डिलाराम आचार्य लगायतका नेताहरूले छेकेका कारण्ँ प्रभाकरको हात बाबुराममाथि पर्न पाएन ।
उपाध्यक्षमाथि नै हातपात गर्न खोजेको भन्दै भट्टराई पक्षधर नेताहरूले चर्को विरोध र हुटिङ गरे । त्यो बेला अध्यक्ष प्रचण्डले ‘हैन मिलाऔं, शान्त रहनोस्’ भन्दै थिए । तर, हातपातकै स्थिति आएपछि बाबुराम पक्षधर कार्यकर्ता पनि प्रतिवादमा उत्रिए । बझाङका एक प्रतिनिधिले पार्टी अध्यक्ष प्रचण्डमाथि कुर्सी प्रहार गरे । कार्यकर्ताबाट नै नेताहरू असुरक्षित रहेको थाहा पाएपछि प्रहरीले हस्तक्षेप गरेर शीर्ष नेताहरूलाई ‘रेस्क्यू’ गर्नु परेको स्रोतको भनाई छ ।

बिप्पाले भट्टराई हैरान
काठमाडौं, ६ साउन/पार्टी भित्र आवश्यक छलफल नै नगरी भारत भ्रमणका बेला बिप्पा सम्झौता गरेर आएका प्रधानमन्त्री डा. बाबुराम भट्टराईलाई विस्तारिक बैठकमा यहि विषयले हैरान पारेको छ ।
पार्टीमासँगै छँदा मोहन वैद्य किरण पक्षधरले प्रधानमन्त्री एवम् पार्टी उपाध्यक्ष भट्टराईलाई पदमा बसेदेखि आलोचना गर्दै बिप्पा सम्झौतापछि त सडकमै झरेर विरोध गरेको थियो ।
बिप्पा सम्झौता तथा सेना समायोजन, हतियार हस्तान्तरण लगायत शान्ति प्रक्रियासँग जोडिएका मुद्दामा भट्टराईले पार्टी र राष्ट्रहित विपरित कदम चालेको आरोप वैद्य पक्षले लगाउँदै आएका छन् ।
राजधानीमा जारी विस्तारित बैठकमा अध्यक्षको प्रतिवेदनमाथि सुझाव प्रस्तुत गर्ने क्रममा नेताहरूले बिप्पाको कुरालाई उस्तै जोडतोडले उठाउन थालेपछि उनी तनावग्रस्त बन्दै गएका छन् ।
अध्यक्ष प्रचण्डको प्रदिवेदनमा बिप्पा सम्झौता ठीक वा बेठीक हो भन्ने ’bout प्रष्ट कुरा उल्लेख नभएको भन्दै विस्तारित बैठकमा सहभागी प्रतिनिधिहरूले असन्तुष्टी जनाएका छन् ।
पार्टी नेतृत्ससँग छलफल नै नगरी भट्टराईले बिप्पा सम्झौता गरेको कुरा बाहिर चर्चामा रहे पनि अध्यक्षको प्रतिवेदनमा यस’bout केही उल्लेख छैन ।
विस्तारित बैठकमा विप्पाको कुरा उठाएर भट्टराईको आलोचना हुन थालेपछि प्रधानमन्त्री पत्नी हिसिला यमीले भने बिप्पा सम्झौताको पुस्तिका नै बोकेर बाँड्दै हिँडेकी छिन् । शुक्रबार उनले बैठक स्थलमा पुस्तिका लगेर बाँडेकी हुन् । उनले छोरीको रातो झिल्को नाम गरेको जर्नल र विप्पाको पुस्तिकासँगै लगेर कार्यकर्तालाई बाँडेको बैठकमा सहभागी एक नेताले बताए । बिप्पा ’boutको भ्रम हटाउन भन्दै उनले यसो गरेकी हुन् ।
यस्तै विस्तारित बैठकमा सहभागी प्रचण्ड पक्षधर नेताहरूले गृहकार्य नै नगरी समायोजन प्रक्रिया थालेको भनेर पनि भट्टराईको आलोचना गरेका छन् । पूर्व लडाकुलाई सेनामा समायोजन गर्ने विषयमा पहिल्यै उमेर र शिक्षा’bout प्रष्ट अडान नलिँदा अहिले प्रक्रिया अवरुद्ध भएको उनीहरूको भनाई छ ।

लगातारको बन्द, हड्तालले पूर्वाञ्चलको जनजीवन अस्तव्यस्त हुँदै – मुख्य समाचार

कमन देवान
दमक, १२ जेठ/विभिन्न जातीय राजनीतिक संगठनहरुले जातीय पहिचानसहितको स्वायत्त राज्य लगायत विभिन्न माग राख्दै आन्दोलन जारी राखेकाले पूर्वको जनजीवन थप अस्तव्यस्त बन्दै गएको छ ।
लगातारको बन्दले गर्दा दैनिक उपभोग्य बस्तुको बजार भाउ आकासिएको छ भने लामा तथा छोटा दूरीमा चल्ने सवारी साधन ठप्प छन् । कतै स्वायत्तताको माग, कतै स्वायत्त राज्यको राजधानी बनाउनुपर्ने माग त कतै प्रदेश विभाजनका नाउँमा जिल्ला टुक्राउन पाइन्दैन भन्ने जस्ता मागले पूर्वाञ्चल ठप्प प्रायः बन्दै गएको छ ।
संखुवासभा जिल्लालाई दुई प्रदेशमा टुक्राउन पाइन्दैन भन्ने मागसहित एक सातायता आन्दोलन जारी छ भने धनकुटा र विराटनगरमा प्रादेशिक राजधानीका लागि दबाव दिने आन्दोलन चर्किदा समस्या थपिएको छ । केही दिनयता भोजपुरमा समेत आन्दोलनको रन्को छुटेको छ ।
लगातारको बन्दले पूर्वाञ्चलका उद्योग, व्यापार र बजार ठप्प बनेका छन् । बन्दका कारण पूर्वाञ्चलमा उद्योग तर्फ दैनिक ७ करोडको हाराहारीमा घाटा भइरहेको छ भने व्यवसाय झनै संकटमा परेको पूर्वाञ्चल उद्योग वाणिज्य संघका उपाध्यक्ष गोविन्द बस्नेत बताउँछन् । उपाध्यक्ष बस्नेत भन्छन् –‘एक दिनको बन्दले मात्रै पूर्वाञ्चलमा उद्योग र व्यवसाय तर्फ गरी ९ करोड रुपैयाँको हाराहारमिा नोक्सानी हुन्छ भने यतिबेलाको अवस्थालाई कसरी मूल्याङ्कन गर्ने’ उनले थपे ‘लोडसेडिङ्गले त हैरानी पारेकै थियो अहिले बन्द समेत थपिँदा हामी उद्योगी र व्यवसायी थप मारमा परेका छौं ।’
क्षेत्रीय ट्राफिक प्रहरी कार्यालय इटहरीले दिएको जानकारी अनुसार जेठ १ गते विभिन्न आन्दोलनका नाउँमा निरन्तर भएका बन्द हड्तालले यातायातका साधन चलेका छैनन् । कन्काई यातायात व्यवसायी संघका सदस्य सचिव गंगाप्रसाद सिटौलाका अनुसार लगातारको बन्दले यातायात व्यवसाय धरासायी बन्दै गएको छ । उनी भन्छन् –‘सरकारले भरपर्दो सुरक्षा व्यवस्था लागू नगरेसम्म यातायात सुचारु गर्न सकिने अवस्था छैन ।’
 आकस्मिक सेवाका सवारीहरु एम्बुलेन्स, प्रेस सम्बद्ध सवारी साधन, दूध बोक्ने गाडी, दमकल, विद्यालय र कलेज बसहरुलाई निर्वाध सञ्चालनमा छुट दिइएको भनिए पनि बन्दकर्ताहरुले अकलझुकल यस्ता प्रकृतिका सवारी साधनहरुमा समेत रोक लगाउने, आक्रमण गर्ने र क्षति पु¥याउने प्रयास जारी राखेकाले समस्या थप जटिलता तर्फ उन्मुख भएको छ ।
बन्दकर्ताले प्रेसमाथि गरेको आक्रमणले असुरक्षा बढेको भन्दै सो को विरोधमा झापा जिल्लाबाट प्रकाशित हुँदै आएका ७ ओटा दैनिक अखबार र एक दर्जन बढी साप्ताहिक पत्रपत्रिका जेठ १० र ११ गतेका लागि बन्द नै गरिए । झापाका अग्रज पत्रकार तथा पूर्व सन्देश दैनिकका प्रधान सम्पादक गञ्जबहादुर दाहालले भने –‘विगतको  द्वन्द्वकाल, संकटकाल र १९ दिने जनआन्दोलनका बेला समेत यति असुरक्षित महसुस भएको थिएन ।
आन्दोलनकारीका मागलाई वार्ताका माध्यमबाट सरकारले समेत सुनुवाई गरेको अवस्था छ, तर पनि पूर्वाञ्चलमा कुनै न कुनै समूहका नाउँमा बन्द र हड्तालको स्थिति भने यथावत छ । बन्द–हड्तालकै कारण  विद्यालयहरुको समेत हालत उस्तै छ । निजी तथा आवासीय विद्यालयहरुको अर्गनाइजेशन (प्याब्सन) का केन्द्रीय उपाध्यक्ष टीका पूरीका अनुसार पूर्वका अधिकांश तराई क्षेत्रका निजी तथा आवासीय विद्यालयहरुमा पठन–पाठन हुन सकिरहेको छैन भने पहाडी जिल्लाका सदरमुकाम र बजार क्षेत्रका विद्यालय लगातारको बन्द–हड्तालका कारण समस्याग्रस्त
बन्दै गएका छन् । उपाध्यक्ष पूरीले भने –‘शान्ति क्षेत्रको नारा, नारा मात्र बनिरहँदा विद्यार्थीहरुको भविष्य अन्योल तिर धकेलिँदै छ । कहिले बन्द भनिन्छ त कहिले खुल्ला, अभिभावक समेत हैरान छन् ।’

जेठ १४ मा संविधान आउनेमा शंका – मुख्य समाचार

सहमति उल्टाउँदै दलहरु

काठमाडौं, ९ जेठ/सहमतिको मसी सुक्न नपाउँदै प्रमुख दलहरुले फेरि विवाद उल्ट्याएका छन् । एकाएक सहमतिबाट पछि हटेका दलहरुको अविश्वासले जेठ १४ भित्रै संविधान जारी हुनेमा आशंका उत्पन्न भएको छ ।
संविधानका दुई महत्वपूर्ण विवादित विषय शासकीय स्वरुप र राज्य पुनर्संरचनामा सहमति भएको एक साता नपुग्दै प्रमुख दलहरु पुनः प्रकृयातर्फ सोझिएका छन् । बहु पहिचानसहितका ११ प्रदेश बनाउने सहमतिमा माओवादी र मधेसी मोर्चा अडिन सकेनन् भने कांग्रेस–एमाले मंगलबारको सहमतिबाट दायाँ– बायाँ नगर्ने अडानमा रहेपछि सोमबारको शीर्ष बैठक विवादमै सकियो ।
संविधानसभा भवन नयाँ बानेश्वरमा तीन दल र संयुक्त लोकतान्त्रिक मधेसी मोर्चाको बैठकबाट बाहिरिएका नेताहरुले सहमतिभन्दा विमतिका स्वर चर्को पारे । माओवादी–मोर्चाले कांग्रेस–एमाले संघीयताबिनाको संविधानको पक्षमा उभिएको आरोप लगाए भने कांग्रेस–एमालेले माओवादी सहमतिभन्दा पछाडि हटेको आरोप लगाए ।
माओवादी उपाध्यक्ष नारायणकाजी श्रेष्ठले कांग्रेस–एमाले संघीयताबिनाको  संविधानको पक्षमा रहेको बताए । उनले भने, ‘कांग्रेस–एमालेले संघीयता चाहेनन् ।’ मोर्चाका नेता एवं सूचना तथा सञ्चार मन्त्री राजकिशोर यादवले समय कम रहेकाले प्रकृयाबाटै विवाद टुंगो लगाइने बताए ।
बैठकमा माओवादी अध्यक्ष पुष्पकमल दाहालले नाम र सीमा पछि तय गर्ने गरीको ११ प्रदेशको प्रस्ताव पार्टीभित्र र जनजातिलाई मनाउन नसकिएको बताएका थिए । दाहालले माओवादी र मोर्चा एकल जातीय पहिचानका आधारमा १० प्रदेशको पक्षमा उभिएको बताएपछि कांग्रेस–एमालेले विरोध गरे । कांग्रेस संसदीय दलका नेता रामचन्द्र पौडेलले भने, ‘माओवादी यसअघि भएको सहमतिबाट पछि हट्यो, स्थिति जटिल भयो ।’
एमाले बरिष्ठ नेता माधवकुमार नेपालले माओवादी संविधान नबनाउने खेलमा लागेको आरोप लगाए । ‘सडक कब्जा आन्दोलन गर्न उक्साएर जनविद्रोह नीति लिएको हो कि भन्ने गम्भीर आशंका छ,’ उनले भने, ‘अरु पार्टीका मान्छे चोरेर (अन्य दलका सभासद्लाई उक्साएर) के गर्न खोजेको हो ? दुई तिहाई पु¥याएर संविधान जारी गर्न खोजेको त होइन भन्ने हाम्रो ठहर छ ।’
माओवादी सहमति पालनामा गम्भीर नभएको भन्दै आइतबारको बैठक एमालेले बहिष्कार गरेको थियो । यसैबीच बैठकमा बोलाइए पनि मधेसी जनअधिकार फोरमका अध्यक्ष उपेन्द्र यादव गएनन् । बृहत् मधेसी मोर्चा गठन गरी स्वायत्त मधेस प्रदेशको माग चर्काएका यादवलाई प्रमुख विपक्षी दलका नेताको हैसियतमा छलफलमा बोलाइएको थियो ।

राष्ट्रपति सक्रिय

संविधान जारी गर्ने दिन ७ दिन मात्र बाँकी रहँदा राष्ट्रपति रामवरण यादवले सक्रियता बढाएका छन् । उनले सोमबार प्रमुख दलका शीर्ष नेताहरुसँग गम्भीर छलफल गरेका छन् । राष्ट्रपति यादवले कुनै पनि हालतमा निर्धारित मितिमा संविधान जारी गर्न नेताहरुलाई आग्रह गरेका छन् । यादवले संविधान निर्माणका विषयमा भएको सहमति ’bout चासो राख्दै दिन कम भएका तर्फ नेताहरुको ध्यानाकर्षण गराएका थिए ।

माओवादी अध्यक्ष पुष्पकमल दाहाल, कांग्रेस सभापति सुशील कोइराला,एमाले अध्यक्ष झलनाथ खनाल र मधेशी मोर्चाबाट विजय गच्छदार शितल निवास पुगेका थिए । राष्ट्रपतिले विवादित विषयमा तत्काल सहमति गरेर संविधान घोषणाको वातावरण बनाउन आग्रह गरेको भेटमा सहभागी नेताहरुले बताए । चाँडै सहमति गरेर संविधान घोषणा गर्न राष्ट्रपतिको आग्रह रहेको एमाले अध्यक्ष खनालले बताए । ‘समय छैन मिलेर आजै राम्रो रिजल्ट सुनाउनुहोस’ राष्ट्रपतिको भनाई उद्धृत गर्दै कांग्रेस सभापति कोइरालाले बताए ।
भेटमा मधेशी, आदिवासी जनजाति, मुस्लिम लगायतले उठाइरहेका मागहरुका विषयमा पनि छलफल भएको थियो । नेताहरुले सहमतिका लागि अधिकतम प्रयास गरिरहेको बताएका थिए । तीन दलका नेतहरुको भेट लगत्तै प्रधानमन्त्री बाबुराम भट्टराई शितल निवास पुगेका थिए । राष्ट्रपतिसँग भेटेपछि प्रमुख चार शक्तिको बैठक बानेश्वरस्थित सेना समायोजन विशेष समितिको कार्यालयमा बसेको थियो ।

पहिचानको माग गर्दै हड्ताल – मुख्य समाचार

• केर्खामा ट्रकमाथि आगजनी
• आन्दोलन चर्काउने चेतावनी

दमक, ८ जेठ/नेपाल आदिवासी जनजाति संयुक्त संघर्ष समितिले जातीय पहिचानको माग गर्दै आम हड्ताल सुरु गरेको छ । हड्तालको पहिलो दिन देशका धेरैजसो स्थानमा बजार, पसल तथा यातायात बन्द रहे । बन्दका क्रममा लामो तथा छोटो दुरीका सवारीसाधनहरु चल्न सकेनन् । धेरैजसो विद्यालय तथा शैक्षिक संस्थाहरुसमेत बन्द रहे ।
बन्दका क्रममा देशका विभिन्न स्थानहरुमा सभाहरु समेत सम्पन्न गरिए । आदिवासी जनजाती संयुक्त संघर्ष समितिले आईतबार दमकमा सभा सम्पन्न गरेको छ ।
आदिवासी जनजाति महासंघ नगर समन्वय परिषद्का अध्यक्ष मोहन धिमालको अध्यक्षतामा भएको कार्यक्रममा किरात राई यायोक्खाका केन्द्रीय सदस्य पारषमणि राई, लिम्बूवान मुक्ति मोर्चाका झापा सचिव सुमन नेम्वाङ्, मञ्च सम्बद्ध संघीय लिम्बुवान राज्य परिषद्को लिम्बुवान महिला परिषद्की झापा सचिव बिष्णु भट्टराई लगायतले बोलेका थिए । उनीहरुले जातीय ऐतिहासिकता र पहिचानका आधारमा राज्यको पुनर्संरचना गरिनुपर्ने अडान राखेका थिए ।

बन्दका क्रममा सुनसान दमक चौक ।  फोटोः पिपुल्स टाइम्स

बन्दका क्रममा झापाका बजार, पसल, उद्योगहरु बन्द रहे । सवारी साधनहरु चलेनन् । मुख्य शहर तथा चोकहरुमा बिहानैदेखि बन्दकर्ताहरु पाल टाँगेर तथा समूह बनाएर बसेका थिए ।
यसैबीच बन्द उल्लंघन गरेको भन्दै झापाको तोपगाछीमा एक ट्रकमाथि आगजनी गरिएको छ । 
पूर्वबाट पश्चिम तर्फ आउँदै गरेको मे.१ ख ७४८ नम्बरको ट्रकलाई पूव–पश्चिम राजमार्ग अन्तर्गको केर्खा चोकमा बन्दकर्ताहरुले साँझ ८ बजे तिर आगजनी गरेका हुन् । आगजनीबाट ट्रकको अघिल्लो भाग जलेको छ । आगो सशस्त्र, जनपथ प्रहरी तथा दमक नगरपालिकाको दमकले नियन्त्रणमा लिएका थिए । सो अघि प्रहरी र बन्दकर्ता बीच यातायात खुलाउने वा नखुलाउने बिषयमा विवाद भएको थियो  ।
सो घट्नामा संलग्न भएको आशंकामा प्रहरीले केहि व्यक्तिलाई नियन्त्रणमा लिएको छ । प्रहरीले युवा संघ नेपाल झापा क्षेत्र नम्बर–७ का क्षेत्रीय सदस्य देवु दाहाललाई समेत नियन्त्रणमा लिएको युवा संघले जनाएको छ । युवा संघका क्षेत्रीय अध्यक्ष शम्भु भण्डारीले घट्ना हेर्न गएका दाहाललाई प्रहरीले नियन्त्रणमा लिएको जनाएका छन् । दाहाललाई नियन्त्रणमा लिएको प्रति निन्दा गर्दै उनले तुरुन्त रिहाईको माग समेत गरेका छन् ।
ईलाका प्रहरी कार्यालय दमकका प्रहरी निरीक्षक हरी खतिवडाले केहि व्यक्तिलाई अनुसन्धानका लागि नियन्त्रणमा लिईएको बताएका छन् । घट्ना संलग्न नरहेको पाइए उनीहरुलाई रिहा गरिने उनले जनाए ।
यसैबीच संघर्ष समितिले सुरु गरेको आन्दोलनलाई मञ्च सम्बद्ध संघीय लिम्बुवान राज्य परिषद्ले थप सशक्त पार्ने जनाएको छ ।
आइतबार परिषद्का महासचिव फक्ताङ्लुङ योङहाङले प्रेस बिज्ञप्ति जारी गरी आजबाट आन्दोलन थप कडा पार्ने जनाएका हुन् ।
धरान र तेह्रथुममा परिषद्का कार्यकर्तामाथि दमन गरिएको भन्दै बिज्ञप्तिमा त्यसको निन्दा गरिएको छ । बन्दका क्रममा देशका विभिन्न स्थानहरुमा सञ्चारकर्मी, सञ्चार गृहका सवारीसाधनहरुमाथि आक्रमण गरिएको छ । राजधानीमा रहेका विभिन्न सञ्चारगृहका सवारी साधनहरु तोडफोड समेत गरिएका छन् ।
नेपाल पत्रकार महासंघका महासचिव ओम शर्माका अनुसार बिहान ८ः३० बजे सिटिजन्स एफएम ९४ मेघाहर्जका पत्रकार दिनेश गौतमलाई फोटो खिचिरहेको अवस्थामा बन्दकर्ताहरुले वौद्ध, टुसालमा रड प्रहार गरी घाइते बनाउनुका साथै बा ४६ प ३४२१ नम्बरको उनको मोटरसाईकल समेत तोडफोड गरेका छन् भने सानेपामा बिहान ७ः४५ बजे एन्टेना फाउण्डेसनका पत्रकार राजन पराजुलीलाई बिहानको कार्यक्रम चलाउन कार्यालयतर्फ जाने क्रममा कुपण्डोलमा १५÷१६ जनाको समूहमा रहेका बन्दकर्ताहरुले पत्रकारको परिचयपत्र देखाउँदा पनि दुव्र्यवहार गर्दै बाटो छेकेर उनी सवार मोटरसाईकलमा आगजनी गरेका छन् । आगजनीबाट मोटरसाइकलमा पूर्ण क्षति पुगेको छ ।
यसैगरी सगरमाथा टेलिभिजनका राधेश्याम दाहाल, रोडम्याप साप्ताहिकका शक्ति कार्की र प्रकाश कट्टेल एवं खेलकुद पत्रकार महासंघका विकु तामाङ समाचार संकलनका लागि बा १० प ७०२३ र बा २२ प २८७८
नम्बरका दुईवटा मोटरसाइकलमा जाने क्रममा कुपण्डोलको सानेपा चोक नजिकै पुग्दा बन्दकर्ताहरुले दुव्र्यवहार र कुटपिट गर्नुका साथै दुवै मोटरसाइकल जलाएका छन् । कुटपिटबाट पत्रकार तामाङ घाइते भएका छन् । लगनखेलमा मुक्तिपत्र साप्ताहिकका सम्पादक उपेन्द्र शर्मालाई दुव्र्यवहार र उनको मोटरसाइकल तोडफोड भएको छ भने चाबहिलमा गोरखापत्र दैनिकका पत्रकारद्वय राजेश चाम्लिङ राई र शम्भुकुमार प्रसाई एवं राजधानी दैनिकका विजय चाम्लिङलाई बन्दकर्ताहरुले अपशब्द प्रयोग गरेको र पत्रकार राईलाई हातपातसमेत भएको छ ।
बन्दकर्ताहरुले हिमालय टेलिभिजनका क्यामेरा पर्सन वाइपी घिमिरेलाई कार्यालयतर्फ जाँदै गर्दा ग्वार्खोचोकमा कुटपिट गर्दै उनको बा २० प ३८९९ नम्बरको मोटरसाइकल जलाएका छन् भने उता कुपण्डोलमा विहानै कारोबार दैनिकका पत्रकार दिपेन्द्र कार्कीलाई दुव्र्यवहार गर्दै उनी सवार बा ९ च नम्बरको मोटरसाइकलसमेत तोडफोड गरेको छन् ।
त्यसैगरी विहानै पत्रिका वितरण गरेर फर्किएको कान्तिपुर पब्लिकेसन्सको बा ९ च ५५३७ नम्बरको गाडीलाई जोरपाटीमा बन्दकर्ताले ढुंगामुढा र लाठी प्रहार गरी तोडफोड गरेका छन् भने उता बुद्धनगरमा कान्तिपुर टेलिभिजनको बा ८ च ७६७७ नम्बरको गाडीमा समेत तोडफोड भएको छ ।
त्यस्तै बन्दकर्ताहरुले समाचार संकलनका लागि हिँडेको एवीसी टेलिभिजनको बा ६ च ५०७२ नम्बरको गाडीलाई चावहिलमा तोडफोड गरी स्टेरिङ्ग भाँचिदिई गाडीको साँचो समेत नियन्त्रणमा लिएका छन् भने उता ग्वार्खोमा एवीसी टेलिभिजनकै बा ३६ प ७८०१ नम्बरको मोटरसाइकल तोडफोड गरेका छन् । त्यस्तै बन्दकर्ताले तीनचुले बौद्धमा एभिन्यूज टेलिभिजनको बा ९ च ४५५८ नम्बरको गाडीमा समेत तोडफोड गरी क्षति पु¥याएका छन् ।
यसैगरी गौशाला चोकमा मध्यान्ह १२ ः०० बजे नयाँ पत्रिका दैनिकका पत्रकार प्रकाश गुरागाईलाई  दुव्र्यवहार गर्दै बन्दकर्ताले उनको ना १२ प ५७१० नम्बरको मोटरसाइकल तोडफोड गरे भने चावहिलमा माउन्टेन टेलिभिजनका पत्रकार रोहित भण्डारीलाई कुटपिट र उनको क्यामेरासमेत खोसेका छन् । चावहिलमै समाचार सकंलन गरी फर्किएको नेपाल वान टेलिभिजनको बा ७ च १६०० नम्बरको गाडी तोडफोड र गाडीमा रहेका पत्रकार कविता अधिकारी र क्यामेरा पर्सन मंगल लामालाई दुव्र्यवहारका साथै क्यामेरा पर्सन लामामाथि कुटपिट पनि भएको छ । क्यापिटल एफएमका पत्रकार शम्भु दंगाललाई समाचार संकलनका लागि साइकलमा गइरहेको अवस्थामा ललितपुरको धोविघाटमा बन्दकर्ताले ‘दंगाल भनेको बाहुन कि नेवार भनेर सोध्दै बाहुनले हाम्रो समाचार लेख्दैन भन्दै पत्रकार दंगाललाई लाठी प्रहार गर्नुका साथै साइकलमा समेत क्षति पु¥याएका छन् । लाठी प्रहारबाट पत्रकार दंगालको घुँडामा चोट लागेको छ ।
यस्तै सगरमाथा टेलिभिजनका पत्रकारहरु सरल गुरुङ, सतिश सुवेदी, अक्कल कुँवर र पुण्य धमलामाथि बन्दकर्ताले हातपात गर्नुका साथै उनीहरु सवार बा २७ प ६८३२ नम्बरको मोटरसाइकल कुपण्डोलमा जलाए भने बा २५ प ३७४७ र बा २५ प ८८५४ नम्बरको मोटरसाइकल र दुई थान क्यामेरासमेत तोडफोड गरेका छन् ।
यसैबीच मोरङमा समाचार सकंलन गरी फर्किएका पत्रकारहरु गणेश निरौला, धुरव भट्टराई र सुरेश नेपालीलाई बन्दकर्ताहरुले आफू अनुकूलको समाचार प्रकाशन नगरेको भन्दै पत्रकारत्रयलाई ४५ मिनेट नियन्त्रणमा लिनुका साथै उनीहरुको प्रेस कार्डसमेत खोसेका छन् भने सुनसरीको तरहरामा पत्रकार दामोदर गुरागाईलाई बन्दका बेला मोटरसाइकल चलाएको भन्दै दुव्र्यवहार गरेका छन् । सिन्धुलीमा बन्दको समाचार प्रकाशित नगरेको निहुँमा बन्दकर्ताले सिन्धुलीबाट प्रकाशित हुने जनबोली दैनिक पत्रिका जलाउनुका साथै मोबाइलबाट पत्रिकाको कार्यालयमा फोन गरी तामाङसालिङ पार्टी कार्यालयमा आई लिखित स्पष्टीकरण दिन र नदिएमा कालोसूचीमा राख्ने र कारबाही गर्ने धम्की दिएका छन् । त्यस्तै नेपालगञ्जबाट बुटवल पत्रिका पु¥याएर फर्किएको नागरिक दैनिकको भे १ च १०८३ नम्बरको गाडीमा बन्दकर्ताबाट तोडफोड भएको छ ।
महासंघका महासचिव शर्माद्वारा आईतबार जारी विज्ञप्तिमा अधिकारका लागि भएको भनिएको आन्दोलनमा प्रेसजस्तो नागरिकलाई सुसूचित गराउने र विचार निर्माणमा सघाउने आमसञ्चारकर्मीलाई आक्रमण गर्नु र सञ्चारसंस्थाका सवारी साधनमा क्षति पु¥याउनु चिन्ताको विषय भएको उल्लेख छ ।

भारतीय कुटनीतिज्ञ विवादमा – मुख्य समाचार

नेताहरुले भने–‘मेहताले मर्यादा नाघे’

काठमाडौं, ६ जेठ/प्रमुख तीन दलले कुटनीतिक मर्यादा विपरीत काम गरेका बिरगञ्जस्थित भारतीय महावाणिज्य दूतावासका राजनीतिक मामिला हेर्ने कन्सुलर एसडी मेहतालाई फिर्ता पठाउन पहल गर्न सरकारसँग आग्रह गरेको छ ।
शुक्रबार बालुवाटारमा बसेको माओवादी, कांग्रेस र एमालेको संयुक्त बैठकले मेहताको गतिविधिप्रति कडा आपत्ति जनाएको छ । बैठकपछि माओवादी उपाध्यक्ष तथा उप–प्रधानमन्त्री नारायणकाजी श्रेष्ठले कुटनीतिक नियोगका कर्मचारीको आपत्तिजनक अभिव्यक्ति ’bout परराष्ट्र मन्त्रालय मार्फत भारत सरकारको ध्यानाकर्षण गराइने बताए । मेहताले बुधबार राति बारा र पर्साका केही स्थानीय नेताहरुसँग अनौपचारिक रात्री भोज गरेर ‘मधेसका लागि लड्न’ आग्रह गरेका थिए । उनले स्थानीय राजनीतिक नेतृत्वलाई आन्दोलनका लागि उक्साएको समाचार शुक्रबार सार्वजनिक भएपछि तीनदलले त्यसप्रति कडा शब्दमा आपत्ति जनाएका हुन् ।
यसैबीच काठमाडौंस्थित भारतीय दूतावासका प्रवक्ता अपूर्वा श्रीवास्तवले एक प्रेस विज्ञप्ति मार्फत उक्त समाचारको खण्डन गरेकी छन् । उनले समाचार गलत र तथ्यहीन भएको दावी गरेकी छन् । उनले यस्तो समाचारले दुई देशको मैत्रीपूर्ण सम्बन्धलाई कमजोर बनाउने उल्लेख गरेकी छन् ।
यस्तै एमालेले कुटनीतिक मर्यादा विपरीत अभिव्यक्ति दिने भारतीय महाबाणिज्यदूतावासका कर्मचारी एसडी मेहतालाई फिर्ता पठाउने पहल गर्न सरकारसँग माग गरेको छ । अध्यक्ष झलनाथ खनालले पार्टी केन्द्रीय समितिको आकस्मिक बैठकले मेहताका अभिव्यक्ति उत्तेजक र नेपाललाई द्वन्द्वतिर धकेल्ने खालको भएको निष्कर्ष निकालेको जनाएका छन् ।
अध्यक्ष खनालले विज्ञप्ति जारी गर्दै कतिपय भारतीय कुटनीतिज्ञहरुले नेपालको  आन्तरिक र राजनीतिक मामिलामा अनावश्यक र हस्तक्षेपकारी रुची देखाएको उल्लेख गरेका छन् । यस्ता गतिविधिप्रति भारत सरकार समक्ष आपत्ति जनाउन खनालले सरकारसँग माग गरेका छन् । कर्मचारी मेहताले स्थानीय राजनीतिक व्यक्तिहरुलाई भेला गरी मधेसी आन्दोलनको आँधीबेहरी सिर्जना गर्न उक्साएका थिए । उनले भने –‘मधेसलाई टुक्रा पार्दा आफ्नो कलेजोलाई नै टुक्रा पारे जस्तो भएको’ अभिव्यक्ति दिएका थिए ।
यसैबीच एमाले भातृसंगठन युवा संघ र अनेरास्ववियुले शुक्रबार भारतीय राजदूतावासमा विरोधपत्र बुझाएका छन् । अनेरास्ववियुकी उपाध्यक्ष नविना लामाका अनुसार मेहताका अभिव्यक्ति विरुद्ध भातृसंगठनले राजदूतावास अघि केही बेर नारबाजीसहित प्रदर्शन गरेका थिए ।
विरोधपत्र बुझाएपछि होटल एम्बेसडर अगाडि भातृसंगठनले कोणसभा गरेका थिए । कोणसभालाई युवासंघ अध्यक्ष महेश बस्नेत र अनेरास्ववियूका अध्यक्ष माधव ढुंगेल लगायतले सम्बोधन गर्दै कुटनीतिक मर्यादा विपरीत काम गर्ने कर्मचारीलाई नेपालमा नराख्न चेतावनी दिए ।
यसैबीच माओवादी अध्यक्ष पुष्पकमल दाहालले बीरगञ्जस्थित भारतीय महावाणिज्य दूतावासका कर्मचारी एस डी मेहताले दिएको अभिव्यक्त ’bout स्पष्ट पार्न नेपालका लागि भारतीय राजदूत जयन्तप्रसादलाई आग्रह गरेका छन् ।
दाहालले शुक्रबार राजदूत जयन्तप्रसादलाई आफ्नै निवास लाजिम्पाटमा बोलाएर भारतीय कर्मचारी मेहताले नेपालको आन्तरिक मामलामा किन चासो राखेका हुन् त्यस’bout स्पष्ट पार्न अनुरोध गरेका अध्यक्ष दाहालका सहयोगी शिव खकुरेलले जानकारी दिए ।
राजदूत जयन्तले महावाणिज्य दूतावासका कर्मचारीले  के भनेका हुन् सो ’boutमा बुझेर जानकारी गराउने बताए ।
यसैबीच युथ फोर्स झापाले समेत बीरगञ्जस्थित भारतीय महावाणिज्य दूतावासका राजनीतिक कन्सुलर एसडी मेहताको अभिव्यक्तिप्रति आपत्ति जनाएको छ । युथ फोर्सका जिल्ला संयोजक प्रत्युस आजाद रानाले शुक्रबार विज्ञप्ति जारी गरी मेहतालाई तुरुन्त फिर्ता पठाउन समेत माग गरेका छन् ।

भारतले स्वीकारेन

नयां दिल्ली/नेपालस्थित आफ्ना एक जना कूटनीतिज्ञले मधेशमा आन्दोलनका लागि राजनीतिक दलहरुलाई उक्साएको भनी आएका खबरहरु भारतले अस्वीकार गरेको छ ।
‘सञ्चारमाध्यममा आएका खबरहरु भ्रामक एवम् गलत छन् । त्यस्ता खबरले नेपाल र भारतबीचको मैत्री सम्बन्धबाट ध्यान मोड्न खोजिएको छ’, भारतीय विदेश मन्त्रालयका प्रवक्ता सइद अक्रबुद्धिनले केहि सञ्चारकर्मीसंग भने ।
अक्रबुद्धिनले स्थायी, प्रजातान्त्रिक र समृद्ध नेपाल स्थापनाका लागि संविधान निर्माण प्रकृयालाई साथ दिन भारत प्रतिवद्ध रहेको पनि प्रष्ट्याए ।  तीन ठूला दल माओवादी, कांग्रेस र एमालेले  विवादास्पद कूटनीतिज्ञको फिर्तीका लागि माग गरेको प्रसंगमा भारतले के गर्छ भनी सोधिएको प्रश्नमा उनले प्रतिकृया जनाउन चाहेनन् ।
यसैबीच भारत सरकारका सुत्रहरुले विवादमा परेका कूटनीतिज्ञ मेहताको कार्यावधि सकिएको र उनी दिल्ली फर्किन लागेको जानकारी दिए ।

तेल अभावले गाडी कटौतीको अवस्था – मुख्य समाचार

गोपाल झापाली
दमक, वैशाख १७/एकमहिना भन्दा लामो अभावका कारण झापामा मागको आधा पनि पेट्रोलियम पदार्थको आपूर्ति हुनसकेको छैन । डिलरहरुले समेत सवारी साधनको ‘रुट दुरी’ तथा संवेदनशीलताका आधारमा तेल बिक्री गरिरहेका छन् । माग अनुसार पेट्रोलियम पदार्थ पाउन नसकेपछि यातायात व्यवसायीहरु भने सवारी साधन कटौती गर्ने अवस्थामा पुगेका छन् ।

पर्याप्त मात्रामा पेट्रोलियम पदार्थ पाउन नसके पछि आफूहरु दैनिक सञ्चालन हुने सवारी साधनको सङ्ख्या घटाउने अवस्थामा पुगेको उनीहरुले बताएका छन् । लामो समयसम्म लाईनमा बस्नुपर्ने र नियमित तेल लगाउने पेट्रोल पम्पहरुबाट मात्र पेट्रोल तथा डिजेल पाइने गरेको छ । नेपाल यातायात व्यवसायी राष्ट्रिय महासंघका बरिष्ठ उपाध्यक्ष श्रीप्रसाद मैनाली पम्पहरुले सवारी साधनलाई बाँडेर तेल दिने गरेको र माग अनुसारको पाउन नसकेको बताउँछन् । कतिबेला कहाँ पुगेर गाडी रोकिने हो भन्ने चिन्ता नमानी सवारी साधन सञ्चालन गर्नु परेको उनले बताए । ‘प्रत्येक पम्पमा १०÷१० लिटर तेल हाल्दै जानुपर्छ’ उनले भने– ‘एउटै पम्पबाट चाहे जति तेल नपाउँदा लामो दुरीका सवारी साधन सञ्चालन गर्न त झनै समस्या भएको छ, कतिबेला गन्तव्यमा पुगिने हो टुङ्गै हुँदैन ।’ नेपालमा बारम्बार नेपाल आयल निगमको घाटा देखाएर पेट्रोलियम पदार्थको मूल्य बृद्धि गरिए पनि अभाव नहटेकोमा उनको आक्रोश छ । तेल आयात हुने मुलुक भारत र नेपालमा प्रति लिटर २० रुपैयाँसम्मको फरक रहेको उल्लेख गर्दै फेरि पनि पेट्रोलियम पदार्थको मूल्य बढे आफूहरु पनि सवारी साधनको भाडा बढाउन बाध्य हुने उनले बताए । हाल मेची अञ्चलबाट दैनिक काठमाण्डौका लागि ४० ओटा यात्रुबाहक बस जाने गरेका छन् । यसैगरी नेपालगञ्ज, पोखरा, धनगढी, भैरहवा लगायतका स्थानमा समेत गरी ८० ओटा भन्दा भन्दा बढी यात्रुबाहक बस लामो सेवाका लागि छुट्ने गरेको मेची यातायात व्यवसायी संघले जनाएको छ । झण्डै दुई महिना देखि नै पेट्रोलियम पदार्थ माग अनुसारको पाउन नसकिए पनि अभाव चर्किएको दुईसाता भएको यातायात व्यवसायीहरुले बताएका छन् ।
पेट्रोलियम पदार्थको अभावकै कारण छोटो तथा मध्यम दुरीका सवारी साधन समेत कटौती हुने अवस्थामा पुगेका छन् । नियमित रुपमा तेल हाल्ने गरेका पम्पहरुबाट मात्र डिजेल तथा पेट्रोल पाईने गरेको यातायात व्यवसायीहरु बताउँछन् । कन्काई यातायात व्यवसायी संघका सचिव गंगा सिटौला झापा भित्रका तथा बिराटनगर, धरानसम्मका लागि दैनिक ४ सय जति यात्रुबाहक बस सञ्चालन हुने गरेको बताउँछन् । ति बसहरुले बिहान, साँझ तथा तेल आएको कुनै पनि समयमा लामो समयसम्म लाईन लाग्नुपर्ने गरेको उनले बताए । ‘तेल आएकै समयमा पुगिएन भने त रित्तै पनि फर्कनुपर्छ’ उनले भने– ‘बाहिरबाट आउने गाडी थपिए भने त झनै अभाव चर्कन्छ ।’
पेट्रोलियम पदार्थका व्यवसायीहरुले भने आयल निगमबाट नै माग अनुसार तेल नआएका कारण बजारमा पर्याप्त पेट्रोलियम पदार्थ उपलब्ध हुन नसकेको बताएका छन् । मेची पेट्रोलियम डिलर्स एशोसिएसनका कोषाध्यक्ष टीकाराम पिठाकोटे निगमलाई अग्रिम भुक्तानी गर्दा समेत माग अनुसारको तेल पाउन नसकिएको बताउँछन् ।
उनले भने– ‘हामीले नै माग अनुसारको तेल पाउन सकेका छैनौं, हामीले पनि भए त बजारमा उपलब्ध नगराउने त कुरै आउँदैन नि ।’ उनका अनुसार मेची अञ्चलमा रहेका करिब ५० डिलर तथा पम्पहरुले मागको आधा पनि पेट्रोलियम पदार्थ उपलब्ध हुनसकेको छैन । निर्माण कार्य बढी हुने अहिलेको समयमा मेचीमा दैनिक ३ लाख लिटर भन्दा बढी डिजेल र डेढ लाख लिटर पेट्रोलको माग हुने गरेपछि करिब आधा मात्र उपलब्ध गराउन सकिएको व्यवसायीहरुले बताएका छन् ।

माओवादीले ल्यायो दश प्रदेशको प्रस्ताव – मुख्य समाचार

काठमाडौं, वैशाख १५/ माओवादीले भावी नेपालका लागि दश संघीय प्रदेश प्रस्ताव गरेको छ । जातीय र भौगोलिक आधारमा गरिएको माओवादी प्रस्तावको कांग्रेस र एमालेले भने बिरोध गरेको छ । उनीहरुले माओवादी हात्तीवन सहमतिभन्दापछि सरेको दाबी गरेका छन् ।
नयाँ बानेश्वरस्थित संविधानसभा भवनमा बिहीबार बसेको मधेसी मोर्चासहित माओवादी, कांग्रेस र एमालेको बैठकमा उक्त प्रस्ताव गरेको हो । माओवादीले यसअघि १२ वर्षे सशस्त्र द्वन्द्वको समयमा १४ प्रदेशको खाका सार्वजनिक गरेको थियो । उसले पूर्वको झापा, मोरङ र सुनसरीलाई यस अघि कोचिला स्वायत्त राज्यको माग गर्दै आएको थियो । पछिल्लो समय पार्टीका कोचिला राज्य समिति इञ्चार्ज तथा पोलिटब्यूरो सदस्य हरिबोल गजुरेल नेतृत्वको कोचिला राज्य समिति र कोचिला प्रदेश चाहने विभिन्न दलका प्रतिनिधिहरुको टोलीले प्रधानमन्त्री डा. बाबुराम भट्टराई, माओवादी अध्यक्ष प्रचण्ड लगायतसँग समेत छलफल तिव्र बनाएपनि अन्य दलहरुसँगको छलफलमा बिहीबार उसले कोचिला बाहेकका १० प्रदेश प्रस्ताव गरेको हो । माओवादी स्रोतका अनुसार लिम्बुवान मेची प्रदेश भित्रै कोचिला स्वायत्त रहने गरी संघीय राज्य निर्माण गर्ने आन्तरिक सहमति भएको छ । स्रोतले भन्यो–‘बिगतमा १४ प्रदेशको खाका बनाउँदा कोचिला प्रदेश पनि परेको थियो । अहिले १४ लाई १० प्रदेशमा सीमित गर्नुपर्दा कोचिलालाई स्वायत्तता दिने भनिएको हो ।’
एमाले नेता सुरेन्द्र पाण्डेका अनुसार माओवादी प्रस्तावमा लिम्बुवान–मेची, किरात–कोशी, ताम्सालिङ–इन्द्रवती, नेवा–वाग्मती, तमुवान–गण्डकी, मगरात–धौलागिरी, कर्णाली, सेती–महाकाली, थारुवान–लुम्बिनी र मधेस–विराट नाम दिइएको छ । साथै चितवनलाई कुनैपनि प्रदेशमा नपारी केन्द्र शासित क्षेत्रको रुपमा राखिएको छ ।
‘यो दुर्भाग्य भयो, विगतको सहमति भन्दापछि हट्ने काम भयो’ बैठक सकिनु अगावै बाहिर निस्केका कांग्रेस नेता रामचन्द्र पौडेलले संवाददाताहरुसँग भने, ‘यसरी बढी नै बनाउने भए २४–२५ वटा नै बनाए भइहाल्यो नि, त्यसमा झनै विकेन्द्रकरण हुन्छ ।’ उनले पहिचानको आधारमा प्रदेशको प्रस्ताव आएको तर, सामथ्र्यलाई वेवास्ता गरिएको आरोप पनि लगाए ।

विवाद समाधानका लागि भएका छलफल निष्कर्ष विहीन – मुख्य समाचार

काठमाडौं, वैशाख ९/ संविधान निर्माणका विवादित मुद्दामा सहमति जुटाउन शुक्रबार बिभिन्न दलहरुले विभिन्न चरणमा अलग–अलग छलफल गरे पनि उनीहरुले निष्कर्ष निकाल्न सकेनन् ।
माओवादी अध्यक्ष पुष्पकमल दाहाल निवासमा माओवादी र कांग्रेसबीच शुक्रबार भएको छलफलमा विवादित सबै विषयमा सहमति खोज्ने उपाय ’bout छलफल भएको कांग्रेस संसदीय दलका नेता रामचन्द्र पौडेलले बताए । ‘सबै विवादमा सरसर्ती छलफल भयो,’ संवाददाताहरुसित उनले भने ।
संघीय संरचना, शासकीय स्वरुप, न्याय प्रणाली, निर्वाचन प्रणाली तथा नागरिकता विषयमा प्रमुख दलहरुबीच सहमति हुन सकिरहेको छैन । खासगरी राज्य पुनर्संरचनाका विषयमा सडकमा पनि विभिन्न समूहले खबरदारी गरेपछि दलहरुबीच सहमतिको गृहकार्य भएको हो ।
बैठकमा सहभागी माओवादी सचिव पोष्टबहादुर बोगटीले जनअपेक्षालाई सम्बोधन गर्ने ’bout छलफल भएको बताए । ‘सडकमा देखिएको जनअपेक्षा सम्बोधन गर्ने ’bout पनि छलफल ग¥यौं,’ उनले भने । संविधानका विवादित विषयमा सहमति जुटाउन बैशाख ११ गतेसम्मका लागि अन्तिम समय सीमा तोकिएको छ । गत आइतबार र सोमबार हात्तीवनस्थित रिसोर्टमा दलहरुबीच बैठक बसेपछि संविधानमा केन्द्रीत भएर सामूहिक बैठक हुन सकेको छैन । यसबीचमा भएका बैठक शान्ति प्रक्रियाको मुद्दामा केन्द्रीत रहेको थियो । यस्तै संविधान निर्माणका विवादित मुद्दामा सहमति जुटाउन माओवादी र एमालेबीच भएको छलफल बिना निष्कर्ष टुङ्गिएको छ ।
डिल्लीबजारको भोजन गृहमा भएको छलफलमा विवादित सबै विषयमा सहमति खोज्ने उपाय ’bout छलफल गरिएको थियो । बैठकपछि एमाले नेता भीम रावलले वार्ता सकारात्मक भएको बताए । उनले भने –‘वार्ता सकिएको छैन भालि पनि जारी रहने छ ।’ संविधान निर्माणका सबै विषयमा छलफल भएको उनले बताए ।
यसअघि माओवादी अध्यक्ष पुष्पकमल दाहाल निवासमा कांग्रेससँग छलफल भएको थियो । काग्रेससँगको छलफलमा संघीय संरचना, शासकीय स्वरुप, न्याय प्रणाली, निर्वाचन प्रणाली तथा नागरिकता विषयमा सरसर्ती चर्चा भएको कांग्रेस उपसभापति तथा संसदीय दलका नेता रामचन्द्र पौडेलले जनाएका थिए । खासगरी राज्य पुनर्संरचनाका विषयमा सडकमा पनि विभिन्न समूहले खबरदारी गरेपछि दलहरुबीच सहमतिको गृहकार्य भएको हो ।
कांग्रेससँगको छलफलपछि माओवादी अध्यक्ष दाहालले मधेसी जनअधिकार फोरमका अध्यक्ष विजयकुमार गच्छदारसँग छलफल गरेका थिए । शनिबार प्रमुख तीन दलको बैठक बस्ने बताइएको छ ।

मुख्य समाचार र उपमुख्य समाचार

विशेष कारणबश आजको हाम्रो पत्रिकाको मुख्य र उपमुख्य समाचार वेबसाइटमा अपडेट नगरेको सहर्ष जानकारी गराउँदछौ ।

संविधानसभाको म्याद थप्ने कानुनी बाटो बन्द – मुख्य समाचार

काठमाडौ, चैत्र १६/सर्वोच्च अदालतले संविधानसभाको म्याद थपसम्बन्धी फैसला पुनरावलोकनका लागि सरकारले दर्ता गराएको निवेदन दरपिठ गर्ने प्रशासनको फैसलालाई सदर गरेको छ ।
यससँगै अब म्याद थपसम्बन्धी सर्वोच्चको फैसला पुनरावलोनकको कानुनी बाटो बन्द भएको छ । अदालतका न्यायाधीश कमलनारायण दासको एकल इजलासले बुधबार निवेदन दरपिठ गर्ने सर्वोच्च प्रशासनको फैसला कानुनसम्वत भएको ठहर गरेको हो ।
फैसलामा भनिएको छ–‘सह–रजिष्ट्रारबाट भएको दरपिठ आदेश कानुन, संविधानको धारा ११६ (२) र उल्लेखित प्रतिपादित सिद्धान्त समेतको अधिनमा रही गरिएको आदेश भएकाले सो लाई बदर गरी राख्नुपर्ने कारण नदेखिएकाले कानुन बमोजिम गर्नु ।’ रजिष्ट्रारबाट सह–रजिष्ट्रारलार्ए रीतपूर्वक अधिकार प्रत्यायोजन भएकाले अधिकार क्षेत्रात्मक त्रुटी नभएकाले कानुन विपरीत दरपिठ गरेको भन्दै अस्तुनिष्ठ आधार नदेखिएको फैसलामा उल्लेख छ । विशेष इजलासबाट भएको फैसला पुनरावलोक नहुने यसअघिको फैसला प्रतिपादित काननु सरह भइसकेको भन्दै पुनरावलोकनका लागि दर्ता भएको निवेदन त्यसविपरीत भएको फैसलामा उल्लेख छ ।
सर्वोच्चले गत मंसीर ९ गते आगामी जेठ १४ गतेसम्म संविधान जारी हुन नसके संविधानसभा स्वतः विघटन हुने फैसला सुनाएपछि आदेश पुनरावलोकन हुनुपर्ने माग गर्दै प्रधानमन्त्री डा. बाबुराम भट्टराई र संविधानसभा अध्यक्ष सुवास नेम्वाङले छुट्टाछुट्टै निवेदन दायर गरेका थिए । तर, सर्वोच्चका सह–रजिस्ट्रार नहकुल सुवेदीले दुबै निवेदन गत पुस १२ गते दरपीठ (निबेदन दर्ता गर्न नमान्नु) गरेका थिए ।
सर्वोच्चले असीमित समयसम्म संबिधानसभाको म्याद लम्ब्याउन नपाइने र जारी म्याद सकिएपछि नयाँ चुनाव वा जनमत संग्रहमा जानुपर्ने फैसला सुनाएको थियो । त्यस्तो फैसलाले कानुन संशोधन गर्ने संसद्को बिशेषाधिकार हनन् भएको भन्दै सरकार र संबिधानसभाले पुनरावलोकन निवेदन दिएका थिए । निवेदन दरपीठविरुद्ध प्रधानमन्त्री डा. भट्टराईले गत माघ १३ गते र संविधानसभा अध्यक्ष नेम्वाङले गत माघ १५ गते सर्वोच्चमा अर्को निवेदन दर्ता गराएका थिए ।